بسم الله الرحمن الرحيم

الحمد لله والصلاة والسلام على رسول الله وعلى آله وصحبه، أما بعد:

رح نحكي عن اهم الاسياسيات المفروض تكون معك من علم الشبكات  , بدايةً رح نعرف ايش يعني شبكة ؟؟ 

الشبكة بكل اختصار هي مجموعة أجهزة متصلة مع بعضها تقوم بعمل اتصال او تبادل البيانات , تتكون الشبكة من جزئين والي هم <Client - Server> او العميل والخادم .

اكبر مثال على الشبكات ويلي هو شبكة الانترنت يلي من خلالها حاليا انت عم تقراء هذا المقال . لكل جهاز على الشبكة عنوان بدل عليه لو رجعنا على الحياة الواقعية رح نشوف انو كل شخص بينا رح يملك رقم وطني الي هو غالبا رح يكون رقم الهوية بالشبكات رح نستخدم نفس المبدأ كل جهاز على الشبكة رح يكون بيملك عنوان خاص في وهاد العنوام منسميه : IP = Internet Protocol

مبدئياً الIP بيتكون من اربع خانات بتفصل بيناتهم نقطة (.) 

مثال عن عنوان من الاصدار الرابع: 

                                192.168.1.15  

كل خانة ممكن تحتوي على قيم بتبلش من 0 الى 255 بهي الحالة

رح تكون مجموع القيم 256 لانو بتبلش من ال0 .

سؤال ليش القيم بتبدأ من 0 الى 255 ؟؟ ليش مقيدين بهاد الحد ؟؟

بكل بساطة نحن اتفقنا انو العنوان من الاصدار الرابع بيتكون من 

4خانات الجواب على السوال رح يكون بالمعلومة الأتية :

كل خانة من خانات العنوان من الاصدار الرابع رح بتتكون من 8bit

والbit بيحتوي على قيمة من القيمتين يا رح كون 1 يا رح يكون 0

طبعا اعتماداً على النظام العد الثنائي ,

اختصار لهل الحكي كلو : 

هيك بكون اتفقنا انو العنوان من الاصدار الرابع بيتكون من اربع خانات كل خانة 8bit والbit يا 0 يا 1 .

!!! معلومة تقنية مهمة جداً كثيراً : Byte = 8 Bit

طيب لو عتبرنا خانة من الاربع خانات كل قيمها (1) يعني ثماني واحدات

لانو كل خانة 8 قيم رح تكون الخانة على الشكل الاتي: 

                       11111111.11111111.11111111.11111111

هي رح تكون اكبر قيمة ممكن تحتويها أي خاني بالIP لو حسبنا 

القيمة المقابلة الي بتساويها بالنظام العد العشري رح تعطينا 255 

فلهاد السبب رح تكون اكبر قيمة ممكن انو تحتويها الخانة 255 😁

 رح نحكي عن شي بخص العنوان المنطقي شي كتير مهم والي هو 

 قناع الشبكة او subnet mask

رح نشرحو بأبسط طريقة ممكنة, قناع الشبكة رح يحددلنا القسم الي بخص الشبكة والقسم الي بخص الجهاز , كيف يعني؟ رح وضح اكتر >

بكل عنوان منطقي بكون في جزء بيدل على الشبكة وجزء بيدل على الجهاز صاحب العنوان يعني على سبيل المثال العنوان الاتي: 

192.168.1.1 عنوان معروف عند الكل غالبا رح يكون عنوان الراوتر الي عندك بالبيت بهاد المثال رح يكون قناع الشبكة اول 3 قيم بالعنوان 

يعني اول 3 قيم بالعنوان رح يكون مستاوي بكل الاجهزة الموجودة بنفس الشبكة فعلا سبيل المثال:  

                             الراوتر: 192.168.1.1                                                               جهاز 1: 192.168.1.10 

                           جهاز 2: 192.168.1.11

                           جهاز 3: 192.168.1.12

                           جهاز 4: 192.168.1.13

 لو منلاحظ هي الشبكة انو اول 3 قيم عند الكل متساوية 

كلهم بيتشاركو بأول 3 قيم الي همي 192.168.1 اخر خانة فقط الي رح تتغير . في هاد المثال والي هو اكثر تكراراً خاصة بالشبكات الصغيرة مثل شبكات البيوت رح يكون قمية قناع الشبكة كالاتي :

متل ما حكينا انو قناع الشبكة مهمتو انو يحدد الجزء الي بخص الشبكة من الجزء الي بخص الجهاز نفسو وطبقاً للمثال الي اخدنا رح يكون قناع الشبكة بتحديد اول 3 قيم للشبكة و القيمة الرابعة والأخيرة بتخص الجهاز.

قناع الشبكة لما يحدد قسم الشبكة رح تكون قيمة الخانة ثابتة والي هي: 255 ولما رح يحدد قسم الي بخص الجهاز رح يترك الخانة 0 

بناءً على هذا الكلام رح يكون عنوان الشبكة الخاص بالمثال فوق:

                              255.255.255.0

منلاحظ اول 3 خانانت بيحتو على قيمة 255 والي تفقنا انو قناع الشبكة 

لما يحدد الجزء الخاص بالشبكة رح يستخدم 255 ولا يحدد الجزء الخاص بالجهاز رح يستخدم 0 , اول 3 قيم موجود فيهم 255 والي بدل على انو اول 3 قيم من هاد العنوان خاص بالشبكة والخانة الرابعة والاخيرة 

بتحتوي على 0 فهاد بيدل على انو هي الخانة رح تدل على الجهاز.

رح نشرح عملي مشان تثبت الفكرة, اغلبنا بيستخدم ويندوز 

لو ضغطنا على مفتاح الويندوز + R 

وبحثنا عن cmd رح تظهر الشاشة السودا رح نكتب الامر الاتي:

                                 ipconfig

منلاحظ بالدائرة الحمرا التانية رح يعطيك العناوين الخاصة بجهازك

اول عنوان رح يكون العنوان المنطقي الاصدار الرابع

تاني عنوان وهو عنوان قناع الشبكة ومتل موملاحظين اول 3 قيم 255

تالت عنوان رح يكون عنوان الراوتر والي هو غالبا رح يكون نفس عنوان الشبكة والخانة الي بتدل على الجهاز رح تحتوي على 1

العنوان المنطقي الاصدار الرابع بيتكون من اكتر من فئة او class وكل فئة الها خواص خاصة فيها رح نحاول نحكي عن كل فئات العنوان المنطقي

 بداية رح نقسمو الى 5 اقسام (A - B - C - D - E) :

-1-  الكلاس A رح يبدأ من العنوان 1 الي 127 

-2- الكلاس B رح يبدأ من العنوان 128 الى 191 

-3- الكلاس C رح يبدأ من العنوان 192 الى 223

الكلاس A رح يكون القسم الي بيدل على الشبكة فقط اول خانة

وهاد النوع من العناوين يستخدم مع الشبكات الكبيرة او الضخمة 

فحيكون قناع الشبكة الخاص بهالكلاس : 255.0.0.0

اول خانة فقط الي رح تحتوي على القيمة 255 والي بتدل على القسم الخاص بالشبكة أما ال3 خانات المتبقية فهي خاصة بتحديد الجهاز 

الكلاس B رح يكون القسم الي بيدل عالشبكة بهل كلاس اول خانتين واخر خانتين خاصات بالاجهزة يعني رح يكون قناع الشبكة على الشكل الاتي: 255.255.0.0

اول خانتين خاصات بتحديد الشبكة واخر خانتين رح يكون خاصات بتحديد القسم الخاص بالجهاز

الكلاس C هو الاكثر استخداما مع الشبكات الصغيرة متل شبكة البيت او شركة صغيرة رح تكون العناوين الخاصة بالاجهزة اقل من باقي الكلاسات 

لانو رح تكون اخر خانة فقط بتدل على الجهاز واول 3 خانات رح يكونو خاصات بالشبكة رح يكون قناع الشبكة الخاص بهاد الكلاس 

255.255.255.0