إنتي المحبة والغلا والروح والقلب الوفي ..

وانتي عروق القلب وانفاس الهوآ وشوف العيون

وانتي ليا ضاع القصيد اِلهام شِعري واَحـــرُفي.. وانتي الأصِل والفرع والجِذْع وجُذُوره والغصون

وانتي بظــُـلمة كلّ ليلة شمعةٍ ما تنطفي ..

وانتي بنور الصبح نورٍ يزدهر به كلّ لون

وانتي ليامِن كلّ متباهي تباهى مَتحـَـفي..

وانتي ليا صبّت علي بقعآ عنآها بك تهون

وانتي عنود الصيد بنت اِملوك نبـْع اصفىٰ الصفيّ.. شيخة عرب نجمة سمآ مزنة مطر عذبة لحون

صولي وجولي بخافقي ومن زهرة العمر اقطفي.. واستهلكيني وآمري واتدلّلي ولك كلّ عون

واستنفذي واستحوذي واستفردي واستنزفي.. يفداك كلْ شيٍّ يكون وكلّ شيٍّ ما يكون

لك يا غناتي كلّ قانون الطبيعة يختفي..
واللي تبين اِيكون لو كلّ الخلايق ما يبون

إنتي قراري واختياري واعتباري وموقفي..
وانتي الهوآ والشَّفّ والهاجس وعقلي والجنون

يا قرّة اِعيوني وحلمي ومنوتي فيك اكتفي..
يا كلّ ماضي وحاضر ومستقبلٍ لي يا هـدون