كنتِ فين؟


مختفية :)

ليا فترة ما نزلت ما كتبت… وبعيدة جداً عن التدوين وهذا لاسباب عديدة (غير انشغالات الحياة) وهي اسباب مرررة مهمة ان شاء الله حتساعدني استفيد وافيد اكتر بطريقة افضل.


ايش هيا اسبابي؟


  • اول سبب خلاني ابتعد انه كان عندي تدريب وهدا التدريب في مجال التصميم ولاني بدأت اتعلم التصميم بنفسي كان شوية يحتاج وقت لكن التحقت بشركة وفيها اتعلمت كتير عن برامج التصميم زي الفوتوشوب والاليستريتور ومن اللي اتعلمته ان شاء الله اخراج المحتوى اللي باقدمه حيكون مختلف وافضل بالنسبة لكم.

  • السبب التاني والاهم هو تحضيري لاختبار اللغة الصينية…عارفة اني جلست سنوات كتير احاول تتوفر لي الفرصة اختبر لكن سبحان الله ما اتسهلت الا دحين ان شاء الله في جامعة الملك عبد العزيز في جدة في اختبار لكل المستويات حيعقد في شهر 11 فهدي فرصة بطلة جداً لاي شخص حاب ياخد شهادة تثبت كفاءته.

  • السبب التالت مرتبط بالتاني وهو اني حابه اتعلم اكتر فشادة حيلي على خطوة اكبر وهي خوض التجربة ابغا اجرب اعيش الثقافة الصينية بأكتر من طريقة سواءً اروح للصين او اروحها من خلال الانترنت :) وهدي الخطوة اكيد تحتاج وقت اكتر وجهد مضاعف.


وبس والله ابداً ما نسيت المدونة وعندي اشياء كتيرة وخطط باشتغل عليها فدعواتكم ليا ببركة الوقت… واني اصحى الصباح مبسوطة مو مغصوبة😌


ودمتم بود

انبسط اسمع منكم❤

Join