من الحاجات 😃 اللي بتلخبط جدا في الإنجليزي، النهاردة هنعرف إزاي نستخدمهم عشان نستأذن . 😃 تعالا نشوف الجمل دي:
1- May I use your pen?
2- Could I use your pen?
3- Can I use your pen?
تقريبا التلات جمل لهم نفس المعنى إللي هو: ممكن استخدم قلمك؟ هنا طبعا أنا بطلب الإذن من صاحب القلم قبل ما أبدأ استخدمه، بس فيه فرق بين ال 3 جمل ... إزاي؟ 😃
تخيل إني في مؤتمر وفيه واحد قاعد 😃 جنبي لابس بدلة ومتشيك وأنا معرفوش خالص ..ولا هو يعرفني..واحتجت منه قلم هروح مستخدم الجملة الأولى:
1- May I use your pen?
استخدمتMay وأنا بستأذن منه لأني معرفوش شخصيا وكمان عشان إحنا في مؤتمر والموضوع formal - رسمي جدا. 😃 ____________________
تعالا نشوف الجملة التانية بقى 😃
2- Could I use your pen?
تخيل بقى إني قاعد جنب واحد من زملائي في المدرسة، بس زميلي ده أنا وهو مش أصحاب أوي، وفي نفس الوقت إحنا نعرف بعض. هنا هنستخدم Could. ____________________
أما بقى لو هطلب قلم من صحبي الانتيم 😃 أو أخويا أو حد ليا علاقة قوية بيه هقول:
3- Can I use your pen? ____________________
#الخلاصة فيه 3 طرق للاستئذان في الإنجليزي: __________
1- May + فعل + فاعل?
بنستخدم May مع الأشخاص إللي ما نعرفهمش خالص، أو في المواقف الرسمية.😃 ------------------
2- Could + فعل + فاعل?
بنستخدم Could مع الأشخاص إللي نعرفهم بس مش أووووي، أو لإظهار الاحترام. (ودي أكتر واحدة يفضل أنك تستخدمها) 😃 ___________
3- Can + فعل + فاعل?
بنستخدم Can مع الأشخاص إللي نعرفهم اووي ولينا علاقة قوية بيهم.