1- أول حاجة اعرفي دورك كويس انتي دورك هو تربية أولادك مش خدمتهم وده هيكون عن طريق انك تعلمي طفلك الاعتماد على نفسه في سن صغير مثلا يأكل نفسه،يلبس لبسه بنفسه،يرتب اوضته ده هيعلمه الأعتماد على الذات.

2- متدوريش عالمثالية لانها مش موجوده اقبلي نفسك هتغلطي وتتعلمي من أخطاءك اتعلمي الفرق بين العطاء والتضحية ومع الوقت هتحسي بالإستقرار والسعادة.

3- اعرفي عيوبك ،العيوب هي النقط السلبيه اللي فشخصيتنا كلنا عندنا عيوب ناتجه عن العادات والتقاليد او عيوب فالتربية لازم تعرفيها وتعالجيها.ابدأي انك تلاحظي تصرفاتك واتكلمي مع نفسك واحكمي على أفعالك بحياديه ده مع الوقت هيخليكي تعرفي عيوبك كويس أكتبي عيوبك وابدأي فعلاجها ازاي حاولي تملى وقتك بتطوير ذاتك،القراءة،ولعب رياضه إن أمكن بدلى كلامك السلبي بإيجابي لو متعوده على الشتم مثلا بدليه بكلام حلو،التغيير هيكون تدريجي وهياخد وقت بس دايما حفزوا نفسكوا على الاستمرار والصبر على النفس علشان تشوفوا نتيجة ترضيكوا .

4- خطأ الصراخ ده خطأ كتير مننا بيقع فيه لكن يمكن اصلاح الموقف اهم حاجه متييأسيش علشان تقللي التأثير السلبي عالطفل،لما يحصل موقف اتعصبتي فيه (حاولي تبعدي عن المكان شويه دقايق اتنفسي بهدوء علشان تخرجي من حاله الغضب وبعدين اخرجي ووضحي موقفك ) ايه سبب غضبك مثلا ضغط او تعب او توتر واعتذري لهم عن الخطأ ده هيعلمهم يتصرفوا ازاي وقت الغضب ويعتذروا عن اخطائهم.

5- اتخلصي من احساسك بالذنب الدايم لان مفيش حد كامل وزي ما قولنا قبل كده متدوريش عالمثاليه لان غلطك مش معناه انك ام مهمله لأطفالها ومع الوقت هتكتشفي انك ضيعتي وقتك في القلق واحساسك ده أكبر دليل انك أم صالحة عايزه تبذل اقصى جهد لتربية اولادك تربية سليمة.