ازاي اعبر لولادي عن حبي
لأن الحب احتياج نفسي و مفيش حد مش بيحب ولاده لكن الأهم التعبير، دايما عبري لطفلك عن حبك ليه تعبير لفظي انك تقوليله بحبك ؛ الطفل محتاج التقدير المعنوي بانك تكوني دايما جنبه ووهو بيلعب مثلا او انك تشاركيه نشاطه المفضل .
*بلاش نربط الحب باي شيء يعني مثلا (انا مش بحبك علشان عملت كذا التصرف السلبي اياً كان) انتي بتحبي ولادك مهما عملوا .
*شاركيه اهتماماته،خذي رأيه في اشياء تخص البيت،خليه يساعدك في شغل البيت.
*قوليله كلام حلو كتير،وناديه بأسماء هو بيحبها اشتريله هدية لمناسبة خاصة بيه.
*متركزيش على عيوبه،اعرفي صفاته الايجابية وامدحيه مثلاً (مظهره،انجاز عمله)،ولو وعدتي طفلك بشئ لازم توفي وعدك .
*حسسيه انك دايما فخورة بيه،ستر عيوبه عن الناس ومدحه وشكره أمامهم.
*العبي معاه لعبته المفضله،اضحكي معاه.
*اعمليله زياره كل فترة لمدرسته،أهتمي تعرفي أصدقائه.
*وقت ما قبل النوم وقت مميز في حياة الطفل اديله أهتمام زيادة مثلا غنيله أغنية،اقريله قصة،قوليله اد ايه انتي بتحبيه مع حضن،احرصي دايما أن طفلك ينام وهو مشبع حب وحنان واهتمام.
سينعكس هذا الحب والحنان عليه عندما يكبر وسيكون عطوفا باراً بولاديه وليس جافا
فلنزرع حب وتواصل مستمر حتى تحصد البر والحنان.