الإنتاجية
كيف يمكن لنا أن نكون منتجين؟
كم مرة فكرت شعرت بشيء من الأسى والحزن في عدم تحقيق أهدافك وأحلامك وتطلعاتك، بحجة أن عامل الوقت دائماً يخونك ومنتب لاقي وقت!
ولكن على النقيض تشوف هالناس اللي مركزة وقاعدة تحصد في المنجزات وتقول في نفسك:
يالله كيف هالناس لاقيه وقت وتسوي كل هالأشياء العظيمة؟ لا وموب كذا وبس بعد لاقيه وقت للسفر واللعب والجلوس مع الأهل ووو!
سؤال المليون دولار: كيف اقدر أسيطر وأدير وقت بفعالية تامة؟ يعني كيف ممكن أسوي أفضل شيء ممكن في كل لحظة من لحظات يومي .. وبالتالي حصد العديد من الانجازات الرهيبة في وقت قياسي! 🤩
الجواب: أولاً يا صاحبي ريح بالك وخذ نفس عميق ترى الامور سهلة وبسيطة جداً ..
وبحول الله من خلال هذا المقالة اللي أعدك إن شاء الله أني ما رح أطول فيها اختصرك أبرز ما جاء في كتاب Eat that frog للمؤلف الأسطوري Brain Tracy عن إدارة الوقت وزيادة الانتاجية.
عنون المؤلف الكتاب "كٌل ذلك الضفدع" كنايةً عن كيفية التعامل مع المهام الأكبر والأكثر صعوبة والأكثر أهمية في جدول أعمالك اليومي أولاً - لذا شبهها بالضفدع 😁 واللي في الغالب الواحد يتراخى فيها ويشعر باحباط لصعوبتها وثقلها على النفس، لذا من خلال هذا الملخص رح تتعرف:
طريقة بسيطة لتحسين إنتاجيتك بنسبة 25 بالمائة في على الأقل بحول الله .. لذا خلونا نقول بسم الله 👇🏻
الإنتاجية ليست عرضاً حادثاً، بل إنها دائمًا نتيجة
إلتزام بالتميز والتخطيط الذكي والجهد المركز
بول جيه ماير
وش نقصد
بالإنتاجية ؟
في البداية قبل سرد أهم الأفكار اللي تناولها المؤلف، خلونا نعرف وش تعريف مصطلح الإنتاجية أو وش معنى فلان ما شاء الله عليه مُنتج؟
الإجابة يا صاحبي باختصار هي قدرتك على القيام بأشياء عظيمة ،مهمة بالنسبة لك في وقت قياسي!
لذا وجب التنبيه هنا أن الإنشغال شيء والانتاجية شيء آخر مختلف، هل سبق وإن مر عليك واحد تعرفه من اللي حواليك دائماً مشغول ولكن في النهاية النتجية ما فيه إنجاز!
خذها قاعدة الشخص صاحب الإنتاجية العالية ليس بالضرورة أن يكون مشغولاً طول الوقت، ولكن في المقابل هو شخص يتمتع بفعاليه عالية في استثمار الوقت المخصص للعمل بشكل جيد وغير عادي، آيوه أتمنى أننا فهمنا وش معنى الإنتاجية الحين وفرقنا بينها وبين الوقت، الوقت هو وسيلة للإنجاز، كيف تتعامل مع هالوسيلة هي مربط الفرس.
لا شيء يمكن أن يضيف المزيد من القوة إلى
حياتك أكثر من تركيز كل طاقاتك على مجموعة
محددة من الأهداف
نيدو قوبين
البداية تكون مع ..
كتابة الأهداف بوضوح تام، ما قلنا أننا بعد مشئية الله بنحاول أننا نصنع أشياء عظيمة واستثنائية .. طيب هذي تحتاج إلى تفكير وعصف ذهني ومن ثم تقييد وكتابة 🤔
من خلال العصف الذهنبي بتطلع معنا الكثير من الأهداف بس السؤال: متى نحكم أن هذا هدف فعلاً أو لا؟
عشان نحكم لازم يمر بالفلاتر التالية:
Specific واضح وش تبي تسوي بالضبط
Measurable قابل للقياس يعني له وسيلة محددة للقياس
Achievable قابل للتحقيق مهوب خيالي أو مستحيل
Relevant متناغم معك شخصيتك وما يكون فيه أيضاً تعارض مع أهداف الأخرى
Time-bound محدد باطار زمني، كذا خلصنا أهم خطوة تقريباً.
إذا كان السلم غير مسنود على الجدار الصحيح،
فإن كل خطوة نخطوها ستوصلنا إلى مكان
خاطئ بشكل أسرع
ستيفن كوفي
التخطيط
وما أدراك
مالتخطيط
طيب نجي لمسألة مهم جدااً وهي التخطيط، الكلمة شوي ثقلية،لكن والخبر السعيد يقول أن كل دقيقة تخطيط تقلل من ١٠-١٢ دقيقة تنفيد! وعليك الحساب، يعني بالميت بتلقى عندك من ساعة إلى ساعتين في يومك زيادة ما تدري وش تسوي فيها
هل سمعت بمصطلح Six-P formula:
”proper prior planning prevents poor performance“
التخطيط المسبق السليم يمنع الأداء الضعيف.
تعتبر الخطة هي الحصان الأسود في موضوع الإنتاجية، والآن وبعد ما صار عندنا أهداف واضحة ومكتوبة صار موضوع الخطة مره سهل، كيف 👇🏻
والخطة في خطوات هي:
تقسيم وتجزئة الأهداف إلى أبسط صورة ممكنه من المهام الصغيرة
ترتيب المهام وفق التسلسل الزمني يعني ما يجي B قبل A
تحديد لكل مهمة وقت زمني يعني تاريخ بداية وتاريخ نهاية
تحديد لكل مهمة الموارد المطلوبة للتنفيذ ( سواءً كانوا بشر - أدوات - أجهزة ..)
وبكذا صار عندك خطة 👌🏻 وأهم شيء في موضوع الخطة هو معرفة المهام اليومية بحيث تكون عارف بكرة وش عندك بالضبط؟