مقعدي الجديد على الممر، بعيدًا عن النافذة والأسوأ منها أن بيني وبينها شخص جديد.

ليس جديدًا على القطار ولا جديدًا على البلد ولا جديدًا على الحياة فحسب، بل هو جديد على نفسه أيضًا.

أول سؤال يكسر حاجز صمتنا فيه، وش موديك للشرقية؟
اوه صحيح أن محسوبك من أهل الرياض لكن نروح للشرقية نخلّص بعض الأشغال.

هو: ونعم يعني أنت من رماح؟ لا لا ياعمي مش من رماح.
بس رماح فيها من أهل الرياض، حبيبي أنا مش من رماح.

سكتُّ وسكَت، عاد مرةً أخرى: رماح هي نفسها الرياض صح؟ هنا شرقت بمويتي، وماقدرت إلا أن أتظاهر بأن عيوني تدمع بكاءًا على فراقِ أهلي، أهون من أنه يحسبني اضحك عليه ووجع.

قلت لا حبيبي رماح ديره لحالهم، دفرنت ستوري بيب.


صارحته بكل شفافيّة أن الأفضل لي وله أن نبقى صامتين أبد الدهر.

قال: “بس رماح مايسكتون فيها ربعها”، لا لا امزح هذي إضافة من عندي.

ماش ما ارتاح تحكّه يده ولسانه ودّه يسولف، كسر خاطري يبي يشحن جواله، عطينه شاحني، وليته سكت.

قال ابي اشجن جوالي بس واحد بالمية هو اللي أبيه مابي أكثر.

قلت واو قنوع ماشاء الله عليك.
قال لا هذا جوالي يقعد ٢٤ ساعة يشتغل، وهو باكستاني شاريه من مصر، قلت أي الأمصار تقصد؟ مصر اللي في رماح؟ كان راح يذبحني بس ربّك ستر 🤭..

رحلتنا كان المفروض تكون ٣ ساعات ونصف، بس شكلها مثل بطارية جواله مبروكه لدرجة حسيت أنها ثلاثة أيام بلياليهنّ 🥵.

وتوته توته خلصت الحدّوته 🤭..

حرّرت في: العاشر من نوڤمبر ٢٠١٩..
”هابي أكاونتنق داي"