من خبرنا الدنيا، والزواج كذا: الأب هو رجال البيت وهو اللي يصرف على زوجته وعياله، والأم تربي عيالها وما تطلع من شور رجلها، حتى على أشياء تخصها، مثل: “لا تطلعين اليوم” ، “ما فيه روحه للعرس” ، “ما فيه وظيفة” ، “لا تقصين شعرك” ، “لا تطلعين مع فلانة” .

ومو دايم الزوجة مقتنعة بقرار زوجها، لكنها بترضى في النهاية لأسباب مثل: ، أو إنها صابرة عشان عياله (if you know what I mean) 😜 ، إنه رجال البيت ولازم كلمته تمشي، أو أحيانًا الزوجة تعتبر زوجها أفهم منها. 😓

في المجتمع طاعة الزوج تعتبر من حياء البنت وحسن تربيتها، أما في الإسلام فطاعة الزوجة لزوجها واجبة من غير أمر بمعصية ، بل إنها مقدمة على طاعة الأبوين، تصدق؟ شف هنا ( دليل وجوب طاعة الزوج )

ورجاءً لا تقولّي إذا أمر الزوج زوجته بشيء حق لازم تسويه وإذا أمرها بشيء كذا عباطة المفروض ما تسويه..

السؤال مين اللي يحدد الشيء الصح والشيء اللي عباطة؟

الحين يوم منع الزوج زوجته من الذهاب للعرس ، هل معه حق يمنعها؟ ولا منعه لها بس عناد؟

الجواب يرجع بسؤال مين يقدر يحدد؟ لو سألتكم وطرحت عليكم ظروف رفض الزوج لزوجته راح تنقسمون قسمين..

جزء بيقول معه حق، وجزء بيقول ما معه حق ، لذا : محد يقدر يحدد.

في الآونة الأخيرة اختلف الوضع شوي.. لا والله اختلف كثير..

اعتلت أصوات النساء اللي تطالب بالاستقلال عن الذكر، وحق حرية اللباس والسفر، ويجب إشراك الأب في تربية الأبناء، والمشاركة في أعمال المنزل، وإنها كزوجة يجب أن تشارك زوجها بقرارات البيت.

الأمر خلاني أفكر.. الحين خلاص البنات يبون يعيشون حياة مستقلة؟ وبيرفضون تدخل الذكر؟ ممتاز! 😯

ولما أتكلم هنا عن تدخّل تراني ما أقصد بعض الأزواج المتفاهمين والمتناغمين على الحوار والنقاش، هذا غير بعض الزوجات اللي تحب إن زوجها يشور عليها.. هذولي الله يوفقهم مالهم علاقة بموضوعي.

طيب هذولي البنات، لما يدخلون في صناعة القرارات، ولا راح يسمحون لأزواجهم بالتدخل فيهم، وراح يشركون أزواجهم في جميع الأعمال مثل: تربية الأبناء، والأعمال المنزلية.. هل راح يشتركون بـالمصاريف المشتركة مثل إيجار البيت، والفواتير، ومصروفات الأبناء، عوضًا عن التنازل عن النفقة ؟ ما أدري! 🤔

أكذب أدري.. بس قلت تدري؟🤔 خلني أعمل استبيان قصير وبسيط على متابعيني في تويتر ، الاستبيان ما يمثل عيّنة من المجتمع أكيد، لكنه يعطيني فكرة على الأقل ..

سألت الإناث :

سألت اللي يقولون ما راح نطلب مصروف طالما أنا موظفة وقلت لهم :