المزيد من الانجاز
هل عندك خطة؟
:الانتاجية الشخصية تخضع ل ٣ مفاتيح رئيسية الوضوح
التركيز
!..والانتباه
براين تراسي
تعرفون ان ٩٠٪ من قدرتك على تحقيق اهدافك هو في كتابتها بشكل واضح !**
كتابة الاهداف تثبتها بمخك وتعطي نفسك شعور ب انك ملتزم وعازم على تحقيقها
فيه عدة نظريات ومقالات تعلمك كيف تكتب اهدافك بطريقة فعالة قابلة للتحقيق
لخصت لكم هنا من مقال " golden rules of goal setting " كيف تكتب أهدافك
مع بعض التعديلات اللي مشيت عليها وفادتني كثير
1
حدد أهدافك العامه خلال هالسنة
كتابه المجالات او الاهداف العامة اللي انت مهتم بتحسينها تساعدك على التركيز وما تتشتت بكثرة الأهداف واختلاف مجالاتها.
وممكن انك تركز على مجال واحد ب كل ربع سنوي وتصير
كل الأهداف تخدم هالمجال !
لكن شخصيا أفضل يكون هناك أهداف تخدم مجالين عالاقل خلال الربع السنوي.
مثلا:
المجال الصحي: اكون أكثر لياقة
المجال المهني: أحصل على ترقية !
2
ــاتبع طريقة SMART في صياغة أهدافكــ
الطريقة بسيطة بمجرد ماتعتاد عليها راح تصير تلقائية !
فيها كل حرف يمثل كلمة
S:specific
لازم يكون هدفك محدد بشكل كبير
فلو كان هدفك هو "ابدأ مشروعي " هذي صياغة عامة
الافضل يكون "أسس مشروعي في مجال الجرافيك ديزاين "
M:measurable
هل هدفك قابل للقياس !؟
لازم تكتب الهدف بطريقة تخليك تعرف هل انت فعلا وصلت للي تبيه !
"أسس مشروعي في مجال الجرافيك ديزاين واعمل مع ١٠ عملاء على الأقل "
كذا انت تعرف انك حققت هذا الهدف إذا خدمت العميل رقم ١٠ !!
وصار وقت الاحتفال بالانجاز ، ووضع هدف جديد :)))
A:attainable
قابل للتحقيق !
لاتحاول تكتب هدف بعييد عن قدراتك
ممكن يكون اعلى من قدراتك بشوي فيرفع الرغبة بالتحدي عندك، لكن لا تخليه هدف بعيد المنال وصعب الوصول حتى لا تصاب بالإحباط، او تحرق جهودك في محاولتك الوصول إليه!
R:relevant
له علاقة أو صلة بالمجالات التي تسعى لها هذي السنة !
فلا تحاول تحط من ضمن اهدافك هدف ماعندك رغبة فيه لمجرد انك تحس انه المفروض يكون موجود !!
ف لو ما كانت الرياضة من أولوياتك هذي السنة لا تحطها ضمن الأهداف لانك فعليا ماراح تركز عليها وبتكون من اول الاهداف اللي ينسحب عليها اذا واجهتك أوقات صعبة !
T:time bound
حط لهدفك موعد نهائي لا تخلي له وقت مفتوح، راح يكون عندك رغبة اعلى بالانجاز، والطريق واضح عندك متى راح تحتفل بالوصول او حتى توقف!
فترة ٣ شهور تعتبر فترة مناسبة إذا كنت محتار :)
3
ـاكـــــتب اهـــــدافــــــكـــ
الآن اكتب أهدافك ب صياغتها النهائية!
افتح مفكرتك على صفحة الاهداف و ابدأ سجلها.
كتابة الأهداف وتسجيلها تعطيك شعور انك عازم تبدأ فيها فعلياً مب مجرد تفكير وهواجيس!
و اكتبها بطريقة انك الآن بتسويها
مثلا
انقص وزني ١٠ كيلو
لا تستخدم "راح" او اي كلمة تدل عالمستقبل
الكلمات لها تأثير نفسي علينا
لازم تختارها بعناية ووضوح عشان تعطي نفسك الدافع للإنجاز!