نستقبل السنة الجديدة بتفاؤل عظيم ب أن القادم افضل، ودايم عندنا فرصة لتحقيق اهدافنا واحلامنا !

وقررنا نستقبلها معكم ب اطلاق منتجنا الاول “مفكرة تجريد”!

نرغب من خلالها مساعدتكم في انجاز اهدافكم وتحقيق طموحاتكم !

٣ شهور "١٣ اسبوع” تعتبر مدة زمنية قابلة للتحكم او التنبؤ.

يعني تقدر تعرف انشطتك ومناسباتك وإلتزاماتك بشكل عام خلال هالفترة

فوضع اهدافك بناء على ظروفك الحالية يعطيك واقعية اكثر وامكانية التزام أعلى.

وضعك للاهداف خلال فترة زمنية قصيرة ومحددة يساعدك على التركيز والالتزام باداء المهام وامكانية تعديل الاخطاء وتلافي التقصير.

ف لما تفوت يوم ما تأدي مهامك تقدر تعوضه باليوم اللي بعده كون المهام المحددة تصب في تحقيق هدف واحد، فيعطيك بعض المرونة في الخطة ولا تحبط من فوات بعض الايام لانك دائما تستطيع التعويض بالتركيز واختصار بعض المهام.

ايضا تعتبر مدة قابلة للتحليل والتقييم، فبعد انتهاء الربع تقدر تقيم خطتك بشكل تفصيلي ودقيق وتحدد سبب نجاحك في الربع السابق والعوامل اللي ساعدتك.

تقسيم المفكرة يساعدك على وضع أهدافك والتركيز على كل ربع سنوي بشكل مستقل

مع وجود مساحة للكتابة الحرة لو اردت وضع تفاصيل لخطتك الربعية.

بداية المفكرة راح تلاقون 

• صفحات التقويم السنوي

بالاعتماد على الشهور الميلادية-الهجرية ومساحة عشان تحدد مواعيدك ومناسباتك وتصير مراجعتها اسهل واسرع كونها ببداية المفكرة

**تقدرون تطبعون تقويم تجريد السنوي من هنا :)

• صفحات أهداف السنة

مساحة لكتابة اهدافك العامة او توجهك بكافة مجالات حياتك "المهنية -الدراسية -الصحية.."

و تقدر ترجع لها وقت تخصيصك للأهداف بداية كل ربع سنوي

• الخطة الادخارية

مساحة ل قائمة مشترياتك و مقدار ادخارك كل شهر و خططك المالية

التسجيل راح يساعدك على الادخار وتعرف مصادر إنفاقك

• القوائم (الافلام- الكتب - التجارب)

مساحة لكتابة قوائمكم الشخصية للافلام والكتب وحتى التجارب الجديدة 

وتعتبر اضافة رائعة للتخطيط تعطيك بعض الحماس والتغيير لروتينك 

وتقدرون تطلعون على قوائمنا من خلال الباركود في الصفحة.

• مفكرة

 مساحة فارغة لكم لكتابة افكاركم ومشاعركم للسنة الجديدة.

تبدا بعدها صفحات التخطيط الربعي، وهنا راح تبدأ تخطط لكل ربع 

بشكل تفصيلي ومحدد وانت في بالك الأهداف اللي تسعى لها 

وكل ربع يوجد فيه

• صفحة أهداف الربع

بالنسبة للأهداف الربعية حاول تحط ببالك الوقت المتاح لك، ف لو كان الهدف كبير تقدر تقسم التزاماته على ربعين سنويين مثلا.

لكن الاهم انك ما تخطط بهاللحظة إلا ل ربع واحد فقط عشان تحقق أكبر فائدة من نظام التخطيط الربعي.

والهدف لازم يكتب بطريقة تفصيلية واضحة مثلا:

اتقن العمل على برنامج ادوبي اليستريتور.

ممكن تفيدكم تدوينتنا  “اللاواقعية” في تحديد مدى اهمية اهدافكم وجديتها 

• صفحة المهام والعادات 

بناء على الأهداف اللي قررت تسعى لها خلال هذا الربع تكتب المهام اليومية/الاسبوعية اللي راح

تساعدك بالوصول لها.

ف مثلا لو انت قررت تتقن العمل على برنامج أدوبي إليستريتور راح تكون مهامك:

الأسبوع الأول:

مشاهدة مقدمة للعمل على أدوبي إليستريتور على قناة ………+التطبيق 

تعلم طريقة تصميم الشعار على قناة …...+ التطبيق 

تعلم الرسم بالبن تول +التطبيق 

…

..

.

بالطبع هذا مجرد مثال، المهم هو وضع مهامك بشكل تفصيلي عشان وقت التنفيذ مايستغرق

البحث كل وقتك.

وبالنسبة للعادات تقدر تضع عادات لها علاقة بمهامك واهدافك، او مختلفة تماما لكن بالنهاية تساعدك على الالتزام وتأدية مهامك بشكل أفضل، مثلا:

قراءة مقال عن التصميم "عادة لها علاقة بهدفك"

المشي ربع ساعة بعد استراحة الغداء "عادة مساعدة"

الاستيقاظ قبل الدوام بساعه "عادة مساعدة"

**يرفق مع المفكرة فاصل تتبع العادات، يساعدك على متابعة إلتزامك بعاداتك 

   وايضا تقدر تستخدمه ك فاصل للمفكرة 

• مفكرة

مساحة فارغة تقدر تكتب فيها خطتك الخاصة و ملاحظاتك، او اقتباسات ملهمة و تحفيزية لك

• صفحات الأسابيع (١٣ أسبوع)

 فيها خانات الايام مصحوبة بالتواريخ عشان تقدر تدون فيها مهامك اليومية و لحظاتك المميزة 

• صفحة إعادة التمركز

من اهم الاجزاء اللي تحتاج تركز عليها نهاية الربع.

فكرتها الاساسية هي انك تقييم ادائك ومدى فعالية خطتك خلال هذا الربع، لا تظلم نفسك وخلك موضوعي.

حدد الاخطاء ومواضع التقصير ثم بعدها حدد الأشياء الصحيحة اللي سويتها.

راح تعرف الاشياء اللي تتفاداها خلال التخطيط للربع القادم والاشياء اللي تعيد وضعها في الخطة لفعاليتها.

وراح تعرف مدى جدية هدفك وهل يستحق السعي له ام لا، وهذا شي مهم جدا بدال ماتضيع أيامك تسعى لهدف مايضيف لك الكثير 

لو مابعد شريت مفكرة تجريد !

تقدر تطلبها من هنا !!