في هذي التدوينة راح أحاول أحط الأفكار إلي طلعت فيها من كتاب العادات الصغيرة.

الكتاب يناقش طريقة ابتكرها الكاتب تساهم في اكتساب العادات سماها Fogg behavior model, طرق اكتساب العادات إلي مرت علي تتشابه في كثير من الأمور, المميز في هذي الطريقة هو إن الكاتب بدأ يجرب الطريقة ويقدم فيها ورش عمل ويعلمها الناس من تقريبا عشر سنوات من 2010, ونشر هذا الكتاب في 2020 فالطريقة نوعا ما جربها لفترة طويلة عشان يتأكد من نضجها.

نقطة أخرى مميزة في الكتاب هي طريقة تقديم الأفكار, الأفكار مقدمة كما لو كان الكتاب ورشة عمل, بين كل جزئية والثانية تلقى نشاط عملي يرتب الأفكار ويسهل تطبيقها.

الطريقة جدا بسيطة وسهل فهمها, الكتاب يتمحور حول هذي معادلة إلي تساعد في اكتساب العادات:

نجي نفصل في هذي المعادلة 

بعد ما شرح الكاتب كل عنصر في المعادلة وصل لمرحلة يشرح فيها كيف تشتغل أطراف هذي المعادلة مع بعض في اكتساب العادات, فرسم الكاتب هذي الرسمة وضح من خلالها الفكرة بشكل كامل

أي عادة ودك تسويها راح تكون عبارة عن نقطة في هذا الرسم البياني.

راح نشوف سهولة التنفيذ ومن خلاله نحدد مكانها على خط قابلية التنفيذ -  ability.

بعدين نشوف مستوى الحماس لتنفيذ العادة ومن خلاله نحدد مكانها على خط الحماس - motivation.

أي عادة فوق الخط راح تقوم فيها, لكن أي عادة تحت الخط راح تستصعب القيام فيها وغالبا ما تسويها.

هنا بعض الأمثلة لبعض العادات ومكانها على الرسم البياني: 

يقول الكاتب لما يكون الأمر إلي ودك تسويه فوق الخط -وسماه الخط الأفعال Action Line- فهذا يعني إنك غالبا راح تقوم فيه لكن لما تكون تحت الخط غالبا ما راح تسويه.

ومن هنا نقدر نشوف المفهوم العام للطريقة وهي إن الأمر إلي ودك تسويه إما يكون سهل وتقدر تنفذه أو تكون متحمس وتسويه حتى لو كان فيه نوع من الصعوبة

في هذي المرحلة يفترض يكون عندك فهم عام لفكرة الكاتب.

في الأسطر القادمة راح نستعرض النقاط إلي ذكرها الكاتب بحيث تفهم وتوظف كل طرف من أطراف المعادلة بطريقة تخدمك في جعل العادة إلي حاب تكتسبها سهلة وقابلة للاكتساب.

• موضوع الرغبتين المتعاكسة, مثلا ودك تتمرن وتكون شخص صحي, لكن هذي الرغبة يقابلها رغبة في الاسترخاء وأكل وجبة غير صحية, في هذي الحالة راح تواجه مشكلة كل مرة تحاول فيها تقوم بالعادة, الرغبة الأقوى الوقت في ذاك الوقت راح تفوز.

• الأمر الثاني, الحافز والحماس عموما يأتي على شكل موجات, يرتفع في يوم وينخفض في أخر.

• أيضا الحماس في الأهداف طويلة المدى لا ينجح غالبا, لأنك ممكن في أي مرحلة تمل من الهدف وتفقد الحماس إلي كان يدفعك لتحقيق الهدف.