(záo bì tōu guāng)يدق فتحة في الجدار من اجل سرقة الضوء…ترا ما باشجع عالسرقة استنوا عليا بس!!

طب ايش القصة؟

خلال فترة اسرة هان الملكية كان في طالب اسمه (كوانغ هينغ) صاحبنا هدا من اسرة جداً جداً فقيرة لدرجة انو ما كان عندهم الفلوس عشان يشتروا زيت للمصباح او حتى شموع عشان ينوروا بيها بيتهم لكن الاوضاع هادي ما كانت عائق لـكوانغ هينغ انو يذاكر او تحبط من عزيمته يقرأ او يتحضر للاختبارات الامبراطورية.

لكن بسبب انه في الليل صاحبنا ما يقدر يذاكر لدي الاختبارات سار يفكر في حل للمشكلة هادي وهو بيفكر انتبه لشق في الجدار اللي يفصل بين بيتهم وبيت الجيران وهدا الشق بيدخل شوييه من الضوء للغرفة عندو فسوى فتحة في الجدر ومنها سار يستفيد من النور الي بيجي من بيت الجيران.

وفعلاً بسبب الضوء دا قدر يدرس النصوص الكونفوشيوسية لسنوات واتجهز لدخول الامتحانات الامبراطورية.

وقدر ينجح في كل الاختبارات ويبهر مسؤولي الحكومة وحقق حلمه وصار مسؤول حكومي هوا كمان😍

ومع السنوات تقلد اكتر من منصب وسار عنده اكتر من لقب الين سار مستشار (يعني دولاك اللي يجو عند الامبراطور ويجلسوا عندوا ويعطوا اراء وكدة….شوفوا دراما نيرفانا في النار في زيهم كتير)

طيب نجي للكلمات اللي تكون شنغ يو اليوم:

záo 凿بمعنى ازميل يستخدم لدق فتحة او ثقب

bì 壁 جدار

tōu 偷 يسرق

guāng 光 ضوء

يدق فتحة في الجدار ليسرق الضوء

تطبيق على استخدامه:

كنت مجتهدة في الجامعة رغم الظروف كنت زي (凿壁偷光)زي اللي يسرق الضوء من الجيران.