إذا كنت تبحث عن دورة أكيد أول مايتبادر لذهنك أن تبحث أولًا عن مدرب متمكن ومادة علمية مناسبة لمستواك وممكن مكان الدورة والضيافة يهمك بعد، لكن أعتقد أن ثاني أهم معيار في الدورة بعد المدرب هم نوعية المتدربين الحاضرين.

وطبعًا للأسف ماتقدر تتعرف عليهم قبل، فأول يوم هو عبارة عن تصوير مسحي لأنواع الشخصيات الموجودة .. إذا حضرت دورة يمكن مرت عليك هذه الشخصيات:

1. مساعد مدرب متطفل: هذا الشخص حاط راسه براس المدرب، عنده خبرة وعارف في موضوع الدورة بس ما أدري ليه مسجل فيها، تلاقيه شوي ويصير المدرب، نقاشاته كثيرة وهو اللي يعطيك وضعية هذا الشيء لعبتي.

2. متطفل على مساعد المدرب المتطفل: هذا الشخص في مستوى أقل من المساعد المدرب المتطفل وإلّا يبي يثبت صحة كلامه على العلن.

3. مكيف سبليت: الهدوء له عنوان وتقييمه 5 نجمات في الهدوء، ماتسمع له حسّ ولا تدري هو في عالم الدورة ولا في عالمه الخاص.

4. المقص: ما يرتاح إلا إذا قطع كلام المدرب وأحسه ينتظر المدرب يتكلم بشيء مهم عشان يقطع كلامه.

5. عايش في وقت متقدم بساعة: بكل بساطة هذا الشخص دايم ينقال له: لا تستبق الأحداث بنشرح هذه النقطة لاحقًا، ولاحقًا هذه ممكن تكون آخر يوم وآخر محاور الدورة.

6. مرآيتك: إذا حصل موقف أو نقاش فردة فعلك بتكون مشابهه لهذا الشخص وكأنه مرآية، بتستمع وأنت تراقب طريقة تفاعلك مع الأحداث في شخص آخر -هنا لازم تبرأ من أي فهم آخر-.

7. المراقب: واضح مين هو؟ بالضبط هو اللي طلع من الدورة بكتابة أنواع الشخصيات اللي شافها.

8. اللي يخليك تسوي تمارين الرقبة: هم الشخصين اللي يمينك ويسارك، من كثر ما تلتفت عليهم بيكون شكلك كأنك تسوي تمارين الرقبة، وهم واحد من ثنين يا شخص متفقين تروحون مع بعض الدورة أو  الشخص اللي جلس جنبك وسلكتوا مع بعض، هذه الشخصيتين هم أساس الدورة، فإذا سرحت شوي تلاقيهم ماسكين خط، وإذا جاتك فكرة تشاركها معهم، وهم اللي لو كنت في حصة ممكن يقولكم الأستاذ تفرقوا عن بعض.

عاد دوّر أنت أي شخصية ورجاءً لو كنت بتخليني اسوي تمارين الرقبة فبعزمك على دورة =)