تحتاج إلى 6 Hours Driving Course، وده تقدر تخليه في يومين أو تلاته، 9 chapters، وبعد كل chapter بيكون فيه 10 أسئلة، وبعد مابتخلص الـ ٩، بيكون فيه إمتحان عبارة عن 30 سؤال، وكل الأسئلة والإجابات موجودة على النت، ولو شفت الفيديوهات واتعملت اللي فيها هيكون أفضل بالنسبة لك.

تحتاج إلى impact driving course texas، وده عبارة عن ٣ فيديوهات بتشوفها عن مخاطر استخدام الجوال أثناء القيادة، وبعدها بتطلع شهادة تطبعها وتاخدها معاك.

تحتاج تحجز موعد في DPS.

فيه أبكليشن التقديم على الرخصة وده موجود أونلاين وتقدر تملاه وتطبعه أو تروح تملاه في DPS يوم الموعد.

بتاخد معاك السوشيال والجرين كارد وأنت رايح تقدم على الرخصة.

هتدفع حوالي 33$ يوم التقديم، وبتتصور، وبيتعمل لك Permit وبتاخد ورقة فيها بيانات الرخصة مؤقتًا لغاية استلام الرخصة، وغالبًا بيكون فيه Restriction برمز معين، وبتاخد الـ Permit ده وتروح أي مدرسة للسواقة وتمتحن العملي أو تمتحن في DPS.

بعد ما تمتحن السواقة، الموظف هيسلمك ظرف مقفول، بتاخده وتروح بيه تاني على DPS علشان تاخد الرخصة بدون أي Restrictions، والموظف بيصورك تاني وبتدفع فلوس الرخصة، وبتاخد ورقة زي اللي خدتها أول مرة صالحة لمدة سنة تقدر تسوق بيها لغاية ما تستلم الرخصة نفسها بعد أسبوعين عن طريق البريد.

- بعد أسبوعين هتستلم كارتين، واحد فيه Restriction والتاني بدون Restriction، ومبروك عليك الرخصة.