حجر لهيب
كيف استغليت الحجر صح!
خلال فتره الحجر و انا اتصفح تويتر شفت تغريدة لفتت انتباهي من شركة تسويق اتابعها,
التغريدة تدعو لاننا نشارك في #حجر_لهيب
جلست اقلب الفكرة و قررت اني اسجل - رغم ضغوط الجامعه و الحياة- و بعد ما عبيت الاستبيان بدأت وحدة من احلى رحلات حياتي
كون تخرجي قرب و قريبا ان شاء الله بكون في سوق العمل كمسوقة, ضروري اعرف كيف بيئة العمل و طبيعه المهام بتكون.
نبدأ بالاستبيان
كانت فيه اسئلة رهيبة بمعنى الكلمه- اضطريت ارجع لقوقل في كم سؤال عشان اجاوبه بأفضل شكل و اضمن مكاني في حجر لهيب-
طلبو مننا اننا نتخيل اننا ماسكين حساب وزارة التعليم و سئلونا عن نوعية التغريدات اللي بنكتبها
سوينا حمله تسويقية و كتبنا لها عدة تغريدات
المهم خلصت الاستبيان من هنا و بدأت انتظار
لين جاني الايميل هذا تعرفو تعبير طرت من الفرحه؟ انا حرفيا طرت من الفرحه -صح كان طيران من الكرسي الى الارض بس انا اعتبره طيران انتو بكيفكم عاد-
و جهزت نفسي للمهمات
المهمات ترسل 11.30 و اخر موعد للتسليم 9 صباحا اليوم اللي بعده و هذا ناسبني لاني بومه ليلية - نومي كان مخربط و ما كان لي خلق اعدله-
حين ببدأ افصل لكم المهمات و كيف انا سويتها
المهمه الاولى
طلبو مننا نكتب سيناريو اعلانات عن قهوة
كتابة السيناريو كانت مهمه ممتعه لكن تمنيت ان كان عندي تيم اشتغل معاه
طبعا بشارككم تنفيذي - بليز لحد يتريق عليه-
المهمه الثانية
هذي وحدة من افضل المهمات اللي نفذتها و فعلا حسستني اني في مجال التسويق, كنت جدا مستمتعه و انا انفذ كل جزء منها و لما خلصتها حسيت بفخر كبيير -تنفيذي ارفقته تحت- اصعب جزء بالنسبة لي هو اختيار المشاهير- لاني ما اتابع مشاهير عرب حاليا- لجأت الى صديقاتي عشان يضبطوني و يوجهوني للي يحسوهم مناسبين
المهمه الثالثة
هذي كانت مهمتي المفضلة لكنها برضو كانت اصعب مهمه - جوالي خربان في الصيانه صار له تقريبا شهرين , شكرا اكسترا-
و تصوير السنابات بشكل يومي شي اساسي في حياتي و فعليا احسس اللي ضايفتهم في سناب اني مشهورة و اصور لهم اعلانات و العب الدور لانه شي ممتع بالنسبة لي, اضطريت اني اصير كريييتف شوية و اسوي فيديو و كأني اصور يومياتي
المهمه الرابعه
هنا طلب مننا تحليل حساب اي شركة تعجبنا و نشوف كيف ممن نطور حسابها و نعرض عليهم التعاقد مع لهيب و نتخيل اننا فعليا نشتغل في لهيب
المهمه الخامسة
هل احتاج اشرح لكم ليش المهمه هذي رهيبة؟؟
المهمه السادسة
تنفيذ هذي المهمة كان ممتع خصوصا لمعرفتي بأهمية البراندنق لكن صار كم شي منعني من اني انفذ المهمة بشكل مثالي لكن اهم شي اني نفذتها -حرفيا تصاميم من جولي شيك-
المهمه السابعه
كانت مهمه صعبة صراحه, لان خلاص تعودت طول اليوم افكر في المهمه و تقريبا على الساعه 11 الليل ابدأ انفذ - شكرا ضغط الجامعه- لكن هذا اليوم كنت حرفيا فاضية, استغليته بممارسة هواياتي
قربنا نخلص من المهمات
المهمه الثامنه
مهمه رهيبة و ارهب من مهمه الفيلم و كل شي تحتاجو تعرفوه في تنفيذي للمهمة
المهمه التاسعه
هذي المهمه نفذتها بكل شغف و حب و حنان, جلست بحثت على خط مناسب, دورت باليت الوان مناسبة و صممت و رتبت و كتبت و طلعت بشي فخورة به
المهمه العاشرة
هذي المهمه وقت تنفيذها اعترف ان عصارات دماغي الابداعية كانت قليلة, و ما نفذتها على اكمل وجه, لكني نفذتها و سلمتها
طبعا نص اجوبتي غلط بس ما عليكم
ختاما
هذي الفرصة كانت شي جدا عظيم و مبادرة جدا معطاءة من لهيب و ارفع لهم قبعتي احتراما
تمنيت انهم قسمونا الى قروبات في بعض المهمات او اعطونا خيار التقسم الى قروبات في بعض المهمات لان كان شوية صعب اني اسوي عصف ذهني لحالي و صديقاتي ما كانو مستوعبين المهمات عشان يساعدوني بشكل كامل
التجربة زادت اصراري اني اشتغل في وكالة تسويق او وكاله اعلان لاني انسانه احتاج الابداع في حياتي و ما اتوقع وظيفة “in house’ تناسبني حاليا