طيب, انا وريتكم المنظم الخطير الفنان المذهل حقي, كيف انتو تقدرو تسو منظمكم؟؟؟

اول و اسهل طريقة افتحي اي لابتوب و افتحي باوربوينت او وورد و سوو جدول - بوفر لكم مطبوعات عربية و اسهل لكم المهمه قريبا ان شاء الله-

و اطبعوه و استخدموه بس هذي السالفة كامله,

برضو طب من وييين نجيب مطبوعات جاهزة لانو مطبوعاتك ما عجبتنا؟؟؟؟ -رغم انو مطبوعاتي في غاية الفخامه و الرقة بس بكيفكم-

اتبعو الخطوات التالية عشان تحصلو مطبوعات حلوة - اغلبها انجليزي للاسف-

و برضو انصح اي شخص حاب يصمم منظمه الخاص برضو يبحث و يشوف المنظمات كيف ممكن تكون عذا تكون عنده خلفية

طيب. ايش الأشياء الكويسة؟؟

• اول شي, الحرية و المساحة المفتوحه للابداع عندي, مره استخدم الوان نارية و مره الوان باردة و مره ارسم غيوم و ورود

• 2 جدولي كان مزدحم تعرفو كيف المدرسة مع الواجبات و التقارير و العروض التقديمية بالتالي كون الجدول جاهز برضو وفر علي وقت

• 3 الى يومكم أتذكر المتعه اللي كنت احس فيها و انا ازين جدولي الأسبوعي و الإنجاز اللي احس فيه لما اشطب على مهمه او موعد مهم

السلبيات و للأسف كان في بعضها لان – الزين ما يكمل-

• المساحه المفتوحه عندي كانت حلوة لكن هذا برضو يعني انها مفتوحه للاخطاء و جربت كثيييير الين وصلت للنتائج المرجوة

• أحيانا كنت انسى اطبع الجدول و اضطر اني اتأخر شوية في التعبئة و كتابة المهام – كان حيضيع عليا اختبار قصير لكن احمد ربي على نعمه الواتساب-

• انا انسانه حرفية و استمتع بالعمل اليدوي, لكن انا مو كل احد كثيير يفضل ان المنظم يكون صغير و سريع و هذه الطريقة للأسف ما تناسب الناس المشغوله و الغير "موهوبة" حرفيا